ဝါရှင်တန်၊ ဩဂုတ်-၂၆-၂၀၂၅
ရတီ(VOM)
အမေရိကန်လေကြောင်းထိပ်သီးကုမ္ပဏီကြီး ဘိုးရင်းနဲ့ ကိုရီးယားလေကြောင်းတို့ဟာ လေယာဉ်အသစ် ၁၀၃ စင်းအတွက် ဒေါ်လာ ၃၆ ဘီလီယံ ကျော်တန်ဖိုးရှိတဲ့ သဘောတူညီချက်ကို ကြေညာခဲ့ပါတယ်။
ဒီသဘောတူညီချက်ဟာ အမေရိကန်သမ္မတ ဒေါ်နယ်ထရန့်က ကုန်သွယ်ဖက်နိုင်ငံတွေကို အမေရိကန်ကုမ္ပဏီတွေနဲ့ လုပ်ငန်းတွေတိုးမြှင့်လုပ်ကိုင်ကြဖို့ တွန်းအားပေးချိန်မှာ ထွက်ပေါ်လာတာဖြစ်ပြီး တောင်ကိုရီးယားသမ္မတနဲ့ အိမ်ဖြူတော်မှာ တွေ့ဆုံပြီးနောက် နာရီပိုင်းအကြာမှာ ထွက်ပေါ်လာတာပါ။
ကုမ္ပဏီနှစ်ခုထုတ်ပြန်တ့ ပူးတွဲကြေညာချက်အရ အမှာစာမှာ ဘိုးရင်း ၇၈၇၊ ၇၇၇ နဲ့ ၇၃၇ ခရီးသည်တင် လေယာဉ်တွေပါဝင်ပါတယ်လို့ ကြေညာချက်မှာ ဆိုပါတယ်။
ကိုရီးယားလေကြောင်း၏ အကြီးအကဲ ဝေါ်လ်တာချိုးက လေယာဉ်အသစ်တွေဟာ အရေးပါသောအချိန်မှာ ရောက်ရှိလာမှာဖြစ်ပြီး တောင်ကိုရီးယား အမျိုးသားလေကြောင်းလိုင်းရဲ့ လေယာဉ်အင်အားကို ခေတ်မီတိုးတက်စေကာ အေရှားနားလေကြောင်းနဲ့ ပေါင်းစည်းပြီးနောက် ယှဉ်ပြိုင်နိုင်စွမ်းကို ပိုမိုကောင်းမွန်စေမယ်လို့ ပြောပါတယ်။
နှစ်နိုင်ငံ အစိုးရကိုယ်စားလှယ်တွေနဲ့ စီးပွားရေးခေါင်းဆောင်တွေ တွေ့ဆုံစဉ်ကာလအတွင်း သဘောတူညီချက်ကို ကြေညာခဲ့တာဖြစ်ပြီး အမေရိကန်စီးပွားရေးဝန်ကြီး ဟောင်းဝဒ် လတ်နစ်နဲ့ တောင်ကိုရီးယားကုန်သွယ်ရေးဝန်ကြီး ကင်ဂျုံးဂွမ်တို့ တက်ရောက်ခဲ့ကြပါတယ်။
ဘိုးရင်းကုမ္ပဏီက ဒီသဘောတူညီချက်ဟာ အမေရိကန်တဝှမ်းရှိ လူဦးရေ တသိန်းသုံးသောင်းကျော်ကို အလုပ်အကိုင်ရရှိစေမယ်လို့ ပြောပါတယ်။
ဒီအတောအတွင်း တောင်ကိုရီးယား ကားထုတ်လုပ်ရေး ကုမ္ပဏီ Hyundai Motor Group က အမေရိကန်မှာ ရင်းနှီးမြှုပ်နှံမှုကို ဒေါ်လာ ၂၁ ဘီလီယံမှ ၂၆ ဘီလီယံသို့ မြှင့်တင်မည်ဟု ကြေညာခဲ့ပါတယ်။ ကုမ္ပဏီက နှစ်စဉ် စက်ရုပ် သုံးသောင်း ထုတ်လုပ်နိုင်မယ့် စက်ရုံကို အမေရိကန်မှာ တည်ဆောက်နေတယ်လို့ ထုတ်ပြန်ထားပါတယ်။
Ref:BBC
Photo:Getty Images
